Er bod y dewisiadau a wnawn i gyd yn bwysig, dim ond rhan o’r darlun ydynt. Caiff nifer y blynyddoedd y gallwn ddisgwyl eu byw ei bennu gan yr amodau rydym yn cael ein geni, yn byw ac yn gweithio ynddynt: o gartrefi o safon i swyddi sefydlog, cysylltiadau cymdeithasol a chymdogaethau sydd â mannau gwyrdd ac aer glân.

Nid yw’r pethau sylfaenol hyn ar gael i bawb yn ddiwahân. Er enghraifft, mae pobl yn ein cymunedau mwyaf difreintiedig yn marw flynyddoedd yn gynharach na’r rhai yn y cymunedau mwyaf cefnog, ac yn treulio mwy o’u hoes mewn iechyd gwael.

Rydym yn colli tir. Mae’r data diweddaraf yn dangos bod iechyd y genedl yn dirywio a bod anghydraddoldebau’n parhau i ehangu.

Nid yw’r bwlch disgwyliad oes hwn yn anochel – ond i’w gau, rhaid i ni weithredu ar frys.

Dyna pam rydym yn galw am newid yn y gyfraith i’r llywodraethau presennol a’r rhai sydd i ddod greu iechyd gwell ym mhob cod post.